İsveçrəli qızlar azərbaycan rəqslərini ifa etmişlər
9.56.26
]
İsveçrənin
Friebourq şəhərindəki “Sent Michel” kollecinin konsert salonunda
Friebourg Konservatoriyasının rəqs bölməsi qala-konsert vermişdir.
Konsertdə isveçrəli qızlardan ibarət rəqs qrupu Azərbaycanın iki milli
rəqsini ifa etmişlər. Bu qrupun rəhbəri Friebourq Konservatoriyasının
müəllimi, Azərbaycanlıların İsveçrədəki Mədəniyyət Mərkəzinin fəal
üzvü, Bern şəhərindəki Azərbaycan dili və mədəniyyəti məktəbinin rəqs
müəllimi Gülnarə Spixer - Əhədovadır. Onun yetirmələri Adelaide
Şlapferin solo ifa etdiyi “Qavalla rəqs” və qrupun “Vağzalı” rəqs
nömrəsinin solisti Anouk Ziffermayerin, eləcə də rəqqasələr Joelle
Aeby, Maude Xaubert, Julia de Martino, Flora Dousse, Jeanne Gumy, Gina
Maag, Lucie Ryser, Nadine Spixer, Manon Mottet-Rio, Julie Fisxer,
Marion Francey, Salome Kollinin məharətli ifası böyük maraq və
alqışlarla qarşılanmışdır. Konsertin sonunda Gülnarə Spixer - Əhədova
qısa müddət ərzində hazırladığı bu rəqs nömrələri barədə ətraflı
məlumat vermişdir. Azərbaycan milli rəqslərinin isveçrəli ifaçılarına
Azərbaycanlıların İsveçrədəki Mədəniyyət Mərkəzinin hazırladığı
mükafatlar təqdim olunmuşdur.
Ana Səhifə
Chat-FRiends 
Pulsuz SMS 
Melaton 
ZəngimCell 
Adminlə Əlaqə 
Forum 
Sayt Haqqında 
Saytda Reklam 
Xəbəri Belə Yaz 
Statistika 
