Britaniyanın
Auto Express jurnalı yeni Ford Fokus-un görüntülərini dərc edib. Yeni
model gələn il avtohəvəskarlara təqdim olunacaq. Yeni Ford Fokus hələ
ki, rəssamın fantaziyasıdır. Lakin Auto Express jurnalı qeyd edir ki,
Ford kompaniyasından alınan məlumata əsasən, yeni avtomobil seriyaya
daxil olacaq avtoya çox bənzəyir.
Yeni Fokusdan avtohəvəskarlar
nə gözləməlidirlər. İlk növbədə yeni dizayn. Deyilənlərə görə, 3 qapılı
xetçbek kupe üslubunda işlənilib. Ford, həmçinin, 3 və 5 qapılı
modellərin şassilərini də bir birilərindən fərqləndirməyə çalışıb.5
qapılı model rahat gəzintilərə üstünlük verənlər üçün və evdar qadınlar
üçün daha sərfəlidir. 3 qapılı Ford isə əsl drayver avtomobili olacaq. İlkin
məlumatlara görə, ən kiçik Fokusun mühərrikinin həcmi 1,0 litr, gücü
isə 89 at gücündə olmalıdır. Bu parametrlərlə yanaşı avtomobil az
yanacaq işlədəcək.